حكاية قطة

ح استرسل فى الكلام اعذرونى

كان عندى قطة سيامى حلوة أوى كنت أول مرة فى حياتى أحب قطة بالشكل ده وكان ليا جار بيحب يربي القطط وكان عنده قطة سيامى بيضا زى الفل وماتت كان بيحب قطتى أوووى وكان كتير ينده عليا ياخدها عنده كنت بسيبهاله كان بيأكلهاا وبيحطلهاا لبن وهى كمان حبته جدا لدرجة إنى لما مالقيهاش عندى أعرف إنها تحت عنده وبعد شهور كتير القطة بتاعتى نزلت عنده ومامته فتحت الباب والقطة خرجت وضاعت دورنا عليها كتير من غير فايدة حزنت عليها جداا وهو كمان
بعدها بفترة جارى ده جاب قطة شيراز حلوة أووى كان لونها مشمشي فاتح كانت بتحب تطلع عندى كتير كنا بنحطلها لبن وأكل طول ماهو فى الشغل القطة بتاعته فوق عندى وبتقضى وقت طويل أوى معايا ومرة طلع ياخدها مرضيتش تنزل معاه وكانت ح تخربشه المهم أخدها بالعافية
ونيجى للجزء المهم فى القصة بقى
المهم القطة غابت يومين موش ظاهرة أنا قولت يمكن هو أجازة نزلت أسأل عليها لاتكون عيانة ولا حاجة
أنا فعلااا كنت مهتمة بالقطة جداا وكنت بفكر فيها كتير كانت قوية ومشيتها حلوة زى الطاوس لما يتباهى وكانت ذكية جداً لدرجة إنها كانت بتتعمد تستخبى منى علشان تشوف أنا ح أدور عليها ولا لاء كانت بتحب تشوف إهتمامى بيها
نرجع تانى للقصة لما نزلت أسأل عليها فالقيت جارى بيقولى عاوزك تفهمى حاجة القطة دى بتاعتى أنا وعمرها ماحتكون لحد غيرى مهما اهتم بيها ومهما هى حبته فاليكى حدود معينة لأنها مهما اتعلقت بيكى فابرضه موش حتفضل معاكى على طول وعمر علاقاتك بيها ما ح تخرج بره إطار الكام ساعة اللى بسيبهالك فيهم
هناا سكت وسرحت يمكن غيبت عن الوجود لدقايق كنت بدور على رد لقيت نفسي بفكر
إيه الآنانية بتاعة البشر دى ممكن تكون غيرة ويمكن حب إمتلاك موش عاوز حد ينازعه فيها
وفضلت أفكر فى نفسي أنا فعلااا حبيت القطة بس عمري ماخطر فى بالى إنى أمتلكها بقلق لما بتغيب علياا بس عمرى ما اعترضت على غيابها رغم إنى فعلا حبيتها
إستغربت أفعال البشر حتى المشاعر عاوزين يحطولها سقف وحدود
ليه تضيع الحالة الحلوة اللى كانت بينى وبين القطة ؟؟  أنا كنت سعيدة بيها وكنت راضية بالوقت القصير اللى كانت بتقضيه معايا
إنت أنانى .. حقيقي أنانى
فوقت من التوهة اللى جاتلى وماردتش إلا بابتسامة صفرا على وشي وسيبته ومشيت
وقررت إنى موش ح أسأل على القطة تانى
أه ح توحشنى بس ح أنساها ولو قلقت عليها ح أدوس على قلبي علشان مايكررهاش تانى .

دى رسالة موجهة لكل أصحاب القطط "القلوب" بطلوا أنانية

"قصة واقعية" لكن موش بطولة القطة مجرد اسقاط 

لَستُ مِثلكُم

أنا شخص لا آنتمى لعالمكم 
فقد جئت فى هذا الزمن مرغمة لا آرى لى وجود بينكم ولا أشعر بروحى بين رفقتكم وقد أخترت الوحدة بكامل إرادتى 
حاولت جاهدة مرات ومرات أن أنتمى لكم ولكن دائما كل محاولاتى تبوء بالفشل
هذا العالم الكبير ليس مكانى ولا أجد لنفسي عنوان في ساحاته الكبرى المزدحمة دائما بالشر 
أشعر بغربة ووحشة عندما أتعامل معكم .. لا تفهمونى ولكنى أفهمكم ولذلك لا أعبء بوجودكم فقد أصبحتم عندى مثل الحيوانات وأرفق بالحيوان حين أشبهكم به 
لا تعبئون لغير أنفسكم فقط .. تتاجرون بكل شئ أمامكم حتى الماء والهواء 
تتاجرون بالمشاعر وهذه أقصى عذاباتى معكم لا أقوى على احتمالها منكم .. فالمشاعر بالنسبة لي هى مائي وهوائي الذى تتاجرون به .. هى روحى الزاهدة المنطلقة فى السماء لا توقفها حدودكم ولا بلادكم  .. روحى طائرة طاهرة من كل أثامكم 
تحوم حولى ولا تسكن جسدى هى فقط تنتمى إليه 
إليكم عنى لا طاقة لى ببقائكم 
لا سقف لى ولا وطن ولا أعبء بحدودكم 
إليكم عنى فَلستُ مِثلكُم

حدوتة بنت

حلم بنت

موش بعرف أحكى حواديت بس ح أحاول أرتجل .. معلش على قدى


كان فى مرة بنت كانت جميلة وبسيطة واضحة وعلى طبيعتها من صغرها موش متصنعة ولا متكلفة
كان عندها حلم صغير رومانسي على قدها كانت بتحلم بحد يفهمها ويحسهاا .. كان كل حلمها انها تبقى سعيدة .. حلم بسيط ومن حقهاا
إلا إن الحياة استكترته عليها حاولت كتير تعافر يمين وشمال علشان تلاقى السعادة اللى بتحلم بها , جربت حاجات كتير ممكن تكون سبب لتحقيق حلمها ,, حلمها ابتدا من أيام طفولتها اللى ماعاشتهاش ولا فرحت بها .. حاولت تعوضها فى مراهقتها جربت الحب اتكسر قلبها .. جربت الصحاب خانوها وضربوها فى ضهرها .. جربت الشغل لقت ان تعبها فى الآخر موش لهاا .. جربت الفلوس لقتها مصدر تعاسة كبير لهاا .
فكرت من تانى وقالت ارجع ابدء من تانى وفتحت قلبهاا , كان إيمانها إن الحب هو الآمل الوحيد اللى باقى لها .. ومن وقتها وهى لسة بتدور على الحب علشان تحقق حلمهاا
المشكلة إن عمرها بدء يجرى منهاا .. من أيام كانت طفلة بضفاير صغيرة دلوقتى داخلة فى الـ 30 ولسة ماحققتش حلمهاا.

ملحوظة : دى حدوتة واقعية