المحشورين في الارض

الافتتاحية المكررة
معرفش ح اكتب ايه بس ح استرسل
على المستوى السياسي في ٣ فصائل ح ارتبهم من خلال القوة
عسكر  إخوان  ينارجية
ح ابدء بأقلهم قوة "على أرض الواقع" رغم إنهم موش قليلين لكن للأسف مالهمش صوت مسموع "حالياً" وده لأنهم عندهم مبادئ بيحترموهاا وموش ممكن يتاجروا بيهاا
ودول مظلومين بين الاتنين الأولانين، اللي ماعندهمش مبدء إلا المصلحة واللي ماشيين بمبدء
الغــاية تبرر الوسيلة
   الفصيل التاني وهو الإخوان واللي هماا أغبياا بشهادة الكثير واللي ماشيين بمبدء
السمع والطــاعة
للمرشد واللي برضه بيشور المقربين ليه، عاملين لنفسهم كيان لوحدهم، دولة داخل الدولة
بس رغم غبائهم إلا إنهم أذكى بكتيررر من الفصيل الأول وهو العسكر
ليه بقى هماا أذكى!؟
لأن الكيان ده عمل شعبية كبيرة ليه بين فئة ليست بالقليلة من الشعب وهماا الفئة الأكثر فقراً والأكثر جهلاً، فقدروا يوصلوا ليهم بالأعمال الخيرية بإنشاء المراكز الطبية والتعليمية الخيرية وكمان دعمهم المادي "وموش محتاجة اقول التفاصيل اللي كلناا عارفينها" وده بيتم بإسم الدين تحت شعار "إن المال مال الله"
فابالتالي بقى ليهم قاعدة عريضة من الناس اللي موش محسبوين على الجماعة أو الكيان الرسمي، ودول المسمى بتاعهم "المُحبين" ولازالت القاعدة دي مُحبة لكيان الإخوان حتى بعد إنقطاع الدعم المادي والخيري "طبعاً لأن النظام قفل معظم الجمعيات الخيرية بتاعة الجماعة" لكن المُحبين لازالوا بيدعموا الجماعة إلى الأن وحتى بعد إنقطاع المنفعة
  على عكس الفصيل الأول وهو العسكر "المكروه لنسبة كبيرة من الشعب" وطبعاً ماحدش يقدر ينكر إن له محبين برضه بس متقسمين فئات، فئة قليلة مُحبة بدون منفعة "ربناا يصبرناا عليهم" أماا الفئة الأكبر فا هي فئة المنتفعـــين وحط تحتهم خط احمر
وهناا تيجي بقى نقطة الغباء، إنت كافصيل اشتريتهم وضمنت ولائهم ليك بس ده ولاء مشروط
بمعنى انك ح تفضل تديهم فا هماا ح يفضلوا مؤيدين ليك ويدافعوا عنك "شيلني واشيلك"
ملحوظة هامة؛ طول ما إنت في الحكم بس.
أول ما تقع ح يرموك زي ماعملوا مع اللي قبلك ده بالعكس كمان ح يطالبوا بلغدك المألوظ ده مع عامة الشعب من اللي ظلمتهم وسجنتهم وقتلتهم
تاني بكرر ولائهم مشروط بوجودك على الكرسي
عرفت إنت كافصيل ليه الأكثر غباء؛)

  الينارجية بقى محشورين وسط ٢ مجانين مبدئهم في الحياة كل ما هو مُعارض لياا هو عدوي
والاتنين بيحاربوا بعض بكل الوسائل القذرة، الاتنين بيمارسوا الفُجر في الخصومة
واحناا بقى بنحاسب على المشاريب.
15/4/2020

طلب صديق

مبدءياً كدة أنا موش عارفة ح أكتب إيه!!
يمكن من قلة الكتابة خطي بقى وحش فشخ 🙈 بس عاوزة أكتب فعلااا
صديق طلب مني إني أكتب قولتله موش ح أعرف، قالي جربي إكتبي أي حاجة تيجي على بالك
فأناا فعلياً موش عارفة أناا ح أقول إيه وموش عارفة هل لغتي ح تساعدني زي الأول ولا لاء، فاقولت أكتب وخلاص كاتجربة يعني
أناا طول عمري بحب أكتب وبطلع مشاعري في الكتابة بس معرفش إيه اللي حصلي من سنين كل ماا أمسك القلم أتوه واشخبط وبس
الحقيقة عندي حاجات كتير ممكن أكتب عنهاا بس ماعنديش الكلام اللي يساعدني على سردهاا وكتابة تفاصيلهاا
إحساسي إني اتغيرت مخليني ماعنديش القدرة إني أكتب لأني موش فاهمة التغيير الكبير اللي حاصلي ده اصلااا!!
وموش بتكلم عن اسلوب أو طباع لأنهاا ماتغيرتش، صحيح بقى في إختلاف بس موش ده اللي أقصده
أناا أقصد التغيير الداخلي، الفجوة الرهيبة اللي حاصلة!!
أناا أكيد عارفة أسبابهاا بس ماتخيلتش حجم التغيير ده :/
حقيقي عاوزة أتكلم بس موش عارفة
عاوزة احكي وأقول وأكتب وأصرخ بصوت عالي بس برضه موش عارفة
بس في العموم كويس إني مسكت القلم من تاني بعد كل السنين دي 🙂
وحقيقي ممتنة جداً لصديقي اللي طلب مني إني أحاول من تاني. 

موش لاقية عنوان للقذارة دي

عندي مشكلة عميقة مع البهوات اللي الفراغ نايكهم لدرجة انهم عندهم من التفاهة انهم يشاغلوا حد ويعلقوا بيهم وبعدين يقولوله بح، مافيش، ماعنديش، اصل انا تعبان، اصل انا مكتئب، اصل انا غير مستقر نفسياً
 احب اناا اقولك انت ايه، انت كائن مالكش دين ام اي لازمة في الحياة فابتحاول تثبت انك مهم ومؤثر في حياة شخص تاني عشان بس ترضي حالة النقص اللي عندك
يابني منك له لها اتعالجوا كفايكم نقل امراض لغيركم ليه بتستخسروا تشوفوا شخص سعيد في حياته من غيركوا روحوا إرضوا الاناا المتناكة اللي عندكوا دي في حاجة تفيدكم يمكن ، يمكن تنجحوا .. يمكن  تتعالجوا ، يمكن تخفوا ، يمكن تنضفوا ، يمكن تبقوا بشر
قصة معقدة فعلا اللي هو انا عاوز اعرفك عاوز اقرب منك عاوز ابقى جزء من يومك اعرف الحاجات المهمة عندك حتى لو كانت شوية كراتين وبعدين سكوت طويل واهمال بضين وزهق وبُعد وجفاا ولماا تسأل عن الاسباب تلاقي اناا موش قد اي حاجة دلوقتي، اناا ضايع، اناا بدور على نفسي، طيب واللي علقته بيك يعمل ايه يتحرق! يتنيل على عينه ويخرس ومايعملكش دوشة !
انت كدة شخص كويس! يعني شخص محترم! شخص له كيان وكدة يعني !؟
احب اناا اقولك برضه انت شخص خول نيييك، شخص ماعندوش اقل مستويات العقل وبقول العقل موش القلب ولا الحكمة ولا الثقافة ولا الكلام الكبير ده عشان عارفة انك فعلااا عمرك ماا ح تفهمه
انت بالنسبالي كائن مقزز لأبعد حد ممكن خيالك يوصله
الكلام ده من شهرين على فكرة بس موش فاكرة التاريخ بالظبط. 

لا موش كدة

اوعى تعود شخص على شئ وتيجي تنكره وتسحبه وتقوله اناا كدة عشان ح تسقط من عيونه فشخ لانه فاكر انت كنت ايه يمكن انت اللي بتنسى ودي مشكلتك انت موش مشكلته وبطل مقاوحة معاه بجد عشان شكلك بيبقى وحش فشخ مهما انت كنت شايف نفسك بطل، موش مهم اللي انت شايفه المهم اللي بتعمله بيوّصل ايه
الحياة موش من وجهة نظرك بس برضه اللي بتهتم بوجودهم وجهة نظرهم مهمة ومااقصدش كل الناس طبعاً لان الناس مابترضاش مهماا عملت، انا بقول اللي انت مهتم بوجودهم جنبك
اخدلي بالك من اللي انت، انت، انت بتهتم بوجودهم زي مابتقول يعني ماجيبتش سيرتهم هما ولا هما عاوزين ايه اصلا
علشان عارفة ان في اغبية بيتلككوا على الكلمة فا حابة اريحهم
ماعليناا اعمل اللي يعجبك وبس وطول ماانت موش مهتم بحد كسمه عادي جداً بس اوعى تقوله انك مهتم بيه عشان ماتبقاش قليل في عينه
اي شخص، اي شخص عنده دقايق يقول للي مهتم بيه هو فين وبيعمل ايه حتى لو داخل التيولت اصلا بس ده على مستوى الاهتمام، وعموماً انا شخص بيكسم الكل فااكيد موش ح اهتم اقول انا بنيل ايه في الوقت الفلاني الا اللي يهمني امره وبس
قصة انا حرة، فا اناا حرة غصب عن اي حد اصلا، وموش معنى اني بقول بعمل ايه ان ده تقييد لحريتي الا ان كنت قاصدة، بس انا بتكلم عن نفسي اللي هي واثقة تمام الثقة من حريتهاا
فل انچوي ياحبايبي 

الخِذلااان

عندي مشكلة عميقة مع الناس اللي بيبقوا عارفين انك محتاجلهم في شئ ويوعدوك انهم موش ح يقصروا معاك ولا ح يتخلوا عنك  مهما حصل واول ماتبتدي تعتمد عليهم ومع اول مشكلة تحصل بينكم يبتدي التنطيط والتكبر والمعايرة ويبعدوا ،، ويبعدوا اكتر ولماا بيبعدوا متخيليين انهم بيجبروك تروحلهم وتطلب انت منهم وتحسسهم انك محتاجلهم علشان يمنوا عليك ويساعدوك
الناس دي اناا بشوفهاا عندهاا من النقص مايكفي لغرق مُدن وماعندهاش اي احترام لأي شئ لا لوعود ولا لضمير ولا لأخلاق "افتكر انهم ناقصينها" وماعندهمش اي اعتبارات لأي شئ اساساً
انك تستغل احتياج شخص ليك وتبتدي تشوف نفسك عليه فا ده لانك اكيد موش لاقي نفسك اصلا واكيد في حد اقوى منك بيعاملك كدة فا انت بتطلع الكبت اللي انت عايشه في حد تاني اضعف منك أو انت متخيل انه اضعف لمجرد انه محتاجلك وده اناا بشوفه منتهى الضعف منك انت في حين ان الشخص اللي محتاجلك وانت شايفه ضعيف اناا بشوفه اقوى منك لأنه رفض انك تطلع امراضك النفسية عليه ورفض يلجألك في عز احتياجه لأنه شخص بيحترم نفسه وعارف قيمتهاا وبيقدرهاا عمره ما يفكر يهينهاا حتى لو محتاج عشان يرضي غرور واحد مريض زيك
ايوة انت شخص مريض ولازم تتعالج كمان عشان ماتضرش نفسك وغيرك
كلمة اخيرة
انت واطي يامان ؛)

مجرد كلام

ليه دايماً شايفين ان الحزن والضعف في اوقات بيكون انبطاح وانكسار بالرغم انه مجرد شعور انساني بحت واعتقد حتى الحيوانات لما بتتظلم وتحزن بتحس بده ماهو طالما بتفرح وتحزن يبقى اكيد عندهاا نفس شعورناا الانساني
ليه دايما موش عاوزيناا ندّي الحزن وقته ويفضلوا يلحوا عليناا ان لازم نقوم بسرعة وان احناا كدة ضعاف، وايه يعني لماا تحس بالضعف عشان على الاقل تعرف معنى القوة
ليه دايماً بيتقال على الحزين انه سلبي رغم انه مجرد شخص مجروح وبيحاول يعبر عن جرحه ده سواء بالسكوت او الكلام
ليه دايماً شايفين ان اللي بيعبر عن حزنه ده ضعيف ويصعب عليك طيب لو صعبان عليك سيبه يتكلم، يصرخ، يعيط، يعمل اي حاجة من غير ماتفضل تأنبه كل لحظة على ضعفه وانكساره ده
في حين ان اللي مبسوط وبيرقص وبيقول نكت ده شخص قوي في نظركم ، بس اسمحولي اقولكم ان نظركم ضعيف ومحدود جداً عشان اناا ممكن اكون بعيط من جوايا وارسم على ملامحي ابتسامة بلهاء ترضي قِصر نظركم ووقتها ح تضربوا بياا المثل بالقوة وشدة البأس
انتوا اللي بائسين جداً وجواكم امراض وكلاكيع وعاهات وتقاليع شوهتكم من جواكم
موش ح ألبس الماسك زيكوا الا لو اناا قادرة اعمل ده وبرضه ده مايتحسبش قوة ممكن اقول انه مجرد تناسي لحظي عشان الحزن بيقطع في القلب لحد مايقسمه نصين
سيبوا الناس تعبر عن مشاعرهاا وبلاش محاكم تفتيش عليهم حتى لو كانت بدافع الحب
اه محاكم التفتيش على المشاعر موجودة ولها قُضاة كمان
ارحموا البشر يرحموكم 

الثقة في النفس

اوعى تخلي حد يفقدك الثقة في نفسك مهما كان هو مين او ايه بالنسبالك عشان لو تمكن منك الاحساس ح تحس نفسك قليل جنب اي حد مهما كان تافه ح تتعذب في كل لحظة تشوف نجاح حد جنب فشلك لانك ببساطة صدقت اللي حسسك بكدة فابقيت تحس انك فاشل في كل حاجة حتى فاشل في شكلك اللي انت ماختارتوش ومهما كنت حلو انت موش ح تشوف ده الشخص ده لو صدقته ح تفقد الثقة في كل حاجة الشخص اللي حسسك بكدة موش عارفة كان يقصد ايه غير كسرك قدام نفسك وقدامه في العموم موش مهم هو الاهم انت لو فقدت الثقة في نفسك ح تتكسر وموش ح تقدر تقوم لما تقع لانك ببساطة ح تحس ان رجليك موش شايلاك موش بقول انك تكون مغرور بس لازم تؤمن انك شخص غير تابع وليك شخصيتك المستقلة ومهما كان حواليك ناس احسن منك ح تحاول تبقى احسن موش ح تنكسر وتقعد على جنب تندب حظك وبختك وتفضل تقول ليه انا دوناً عن اللي حواليا اللي كدة اوعى تثق في رآي شخص واحد وتتجاهل أراء اللي حواليك يمكن يكون النقص فيه هو وبينقله ليك عشان تبقى كائن حاقد وناقم على حالك زيه